Google gjithashtu konfirmoi ‘The Elder Scrolls Online,’ ‘Borderlands 3,’ dhe ‘Superhot.’
Google gjithashtu konfirmoi ‘The Elder Scrolls Online,’ ‘Borderlands 3,’ dhe ‘Superhot.’
Nga të gjitha platformat e disponueshme për të luajtur lojëra, mund të themi se Stadia është ndër më të veçantat. Shërbimi streaming i Google, ndonëse jo i pari në llojin e vet, duket se do të lërë gjurmë në botën e gaming dhe do ta ndryshojë atë rrënjësisht me kalimin e kohës.
Pak para ceremonisë së natës hapëse të Gamescom 2019, Google zbuloi disa lojëra të tjera që do të vijnë për platformën streaming të lojërave të tij, Stadia. Një nga lojërat e mëdha është Cyberpunk 2077 e CD Projekt RED. Google nuk e tha ekzaktësisht se kur do të vinte loja në Stadia, por data e lançimit të saj në platformat e tjera është 16 prill 2020, ndaj përpara kësaj date mos mbani shpresa.
Një tjetër lojë që do të jetë e disponueshme për Stadia do të jetë Mortal Kombat 11. Kjo e fundit do të vijë për platformën në nëntor. Google gjithashtu shtoi se në Stadia do të mund të gjenden edhe The Elder Scrolls Online dhe Borderlands 3.
Ndër lojëra të tjera që do i shtohen platformës mund të përmendim Superhot, Attack on Titan 2: Final Battle, Windjammers 2, Kine, Orcs Must Die! 3, një remake të Destroy All Humans! dhe Samurai Shodown. Këto lojëra i bashkohen disave që janë njoftuar që më përpara si: Destiny 2, Watch Dogs: Legion, Darksiders Genesis, NBA 2K, Grid, disa seri të Tomb Raider etj.
Stadia po duket mjaft mirë për momentin. Në një pikë kishte thashetheme se edhe Death Stranding mund të shkëpuste ekskluzivitetin nga PlayStation 4, për t’ju bashkuar platformës së streaming të Google, por kjo gjë nuk ndodhi gjatë Gamescom.