Do të mund të notoni në lojë
Do të mund të notoni në lojë
Detaje të reja mbi gameplay-in e Cyberpunk 2077 janë zbuluar. Këto lidhen me mënyrën se si funksionojnë companions, se si eksplorohen zonat etj.
Detajet janë konfirmuar nga dizajneri kryesor i lojës, Pawl Sasko gjatë një podcast-i. Sasko konfirmoi se armiqtë në Cyberpunk 2077 do të kenë aftësi të ndryshme që do të bazohen në cyberware.
Pawel Sasko gjithashtu foli për companions, duke konfirmuar se edhe ata do të kenë aftësitë e tyre unike dhe se nuk do të ketë asnjë lloj mënyre që lojtarët ti kontrollojnë ata ose të japin komanda jashtë disa situatave shumë specifike.
Më shumë informacion është zbuluar edhe rreth Flathead dhe rëndësinë e të luajturit si një techie. Do të vijë me Al-in e tij, por në këtë rast lojtarët do të mund të japin komanda dhe ta lënë të performojë shumë aksione brenda gameplay-it.
Përsa i përket loot-it pastaj, sistemi i loot-it nuk do të jetë i rastësishëm, pasi një loot specifik do të mund të gjendet vetëm në zona shumë specifike.
Në fushën e eksplorimit pastaj, është konfirmuar se Cyberpunk 2077 do të ketë zona underground dhe gjithashtu lojëtarët do të mund të notojnë në lojë. Lezetshëm apo jo?
Cyberpunk 2077 do të lançohet në PC, PS4 dhe Xbox One në prill të 2020s. Për të rejat më të fundit rreth lojës qëndroni të update-uar me faqen tonë të web-it.