Edhe përdorimi i aplikacioneve që nuk janë hacks po i bën lojtarët të marrin ban
Edhe përdorimi i aplikacioneve që nuk janë hacks po i bën lojtarët të marrin ban
Sistemi i ri anti-cheat në CS:GO ka ardhur në update-in e fundit të lojës, por ai ka shkaktuar mjaft probleme. Trusted Mode bllokon shumë prej proceseve të jashtme të veprojnë me lojën, duke i detyruar lojtarët të mbyllin shumë aplikacione dhe të bëjnë restart CS:GO. Edhe pse ju mund ta çaktivizoni Trusted Mode duke shtuar “-untrusted” tek launch options në Steam, kjo do t’ju pengojë të luani në serverat e mbrojtur nga VAC, përfshirë këtu edhe Matchmaking.
Disa game modes jo zyrtare në servera të ndryshëm kërkojnë aplikacione të tjera, gjë që e bëjnë të detyruar heqjen e Trusted Mode për të funksionuar. Duke qënë se serverat e ndryshëm janë një prej aspekteve më të rëndësishme të Counter-Strike, ky është një vendim mjaft i çuditshëm.
Lojtarët gjithashtu kanë raportuar se software si OBS, Discord, Spotify dhe Nvidia Game Filter gjithashtu kanë shkaktuar probleme me Trusted Mode, edhe pse ato nuk e ndikojnë aspak lojën në vetvete. Një tjetër problem i Trusted Mode është që loja nuk ta tregon se cili proces e ka fajin, gjë që i detyron lojtarët të kërkojnë vetë arsyen se pse nuk mund të luajnë.
Përveç kësaj, lojtarët kanë raportuar edhe probleme me performancën e lojës dhe zgjidhja mesa duket ka qënë mbyllja e aplikacioneve të ndryshme që nuk ishin kapur nga Trusted Mode.
Fatkeqësisht, nuk ka asnjë mënyrë për të lejuar këto aplikacione të përdoren së bashku me CS:GO përveç heqjes së Trusted Mode. Vetë Valve thotë se është detyra e zhvilluesëve që të verifikojnë filet e tyre me Authenticode, në mënyrë që të mos kenë probleme me sistemin e ri dhe edhe në këto raste, Valve ka ende të drejtë të ndalojë përdorimin e kodit që ndikon në gameplay.