Ky opsion është i aktivizuar kur hap lojën
Ky opsion është i aktivizuar kur hap lojën
Për shkak të situatës në SHBA, Valve ka implementuar një veçori të re për të ndaluar mesazhet ofenduese në CS:GO. Zhvilluesit zbuluan se kanë sjellë në lojë Text Filtering, një opsion i ri që bllokon fjalët “e pisëta” në chat. Ky opsion është i aktivizuar fillimisht dhe ju mund ta çaktivizoni në Settings. Një veçori e ngjashme përdoret edhe nga Riot për Valorant, që ndryshon sharjet me fjalë të tjera të çuditshne.
Today we're shipping a new communication setting called Text Filtering, which cleans up offensive UGC within CS:GO. Details can be found here: https://t.co/zDG7pz2S3J
— CS:GO (@CSGO) June 12, 2020
Lojëra të tjera si Call of Duty kanë marrë masa për të ndaluar përdorimin e usernames të papërshtatshme. Rocket League gjithashtu po ndryshon sistemin e saj për të ndëshkuar lojtarët që nuk sillen në mënyrën e duhur.
Protestat që po ndodhin në SHBA dhe në disa shtete të botës kanë shtyrë shumë kompani për të dhuruar para ose për të folur në lidhje me racizmin. Disa kompani, përfshirë këtu Valve, kanë shtyrë eventet e tyre gjatë dy javëve ku protestat ishin në kulmin e tyre. Valve shtyu Steam Game Festival, i cili supozohej të zgjaste nga 9-14 qershor. Tani, ky event do të mbahet më 16-22 qershor.