Tyler McVickers përgënjeshtron zërat se ardhja e Source 2 është anulluar
Tyler McVickers përgënjeshtron zërat se ardhja e Source 2 është anulluar
Më herët, Valve News Network kishte raportuar se kalimi i CS:GO në Source 2 ishte anulluar për shkak të kontentit të shumtë të komunitetit që duhej kaluar në këtë engine. Edhe pse hartat normale dhe armët janë mjaft të thjeshta, skins dhe hartat e krijuara nga komuniteti duan shumë më shumë punë.
Sipas Tyler McVickers, pjesa më e madhe e punës së kalimit të CS:GO nga Source në Source 2 ka përfunduar, por problemi mbetet lançimi i këtij ndryshimi. Ai thotë se mund të ketë testime publike që do të zgjasin një ose dy vite, në mënyrë që bugs të eleminohen dhe hartat dhe krijimet e tjera të komunitetit të mbeten.
Ai foli gjithashtu edhe për mënyrën se si këto ndryshime do të ndikojnë lojën. Për lojtarin mesatar, kalimi nga Source në Source 2 nuk do të sjellë shumë ndryshime, me CS:GO që do të mbetet 95% njëlloj nga grafikat dhe gameplay. Megjithatë, ndryshime të mëdha do të vijnë për krijuesit e hartave.
McVickers tha se Source 2 gjithsesi do të suportojë gjithçka nga Source 1 dhe problemet do të zhgënjejnë lojtarët profesionistë, ndërsa lojtarët casual do të zhgënjehen pasi nuk do të shohin ndryshime të dukshme. Sipas tij, të vetmet ndryshime do të jenë për lojtarët që krijojnë harta për CS:GO.
McVickers gjithashtu tha se kalimi mund të ndodhë në fund të vitit tjetër. Dota 2 ishte loja e parë e Valve që kaloi në Source 2 dhe sipas tij McVickers, ekziston mundësia që Valve të sjellë Source 2 në Left 4 Dead për ta testuar përpara se ta sjellë engine-in në CS:GO.