Ish pro i CS:GO në Filipine, John Paulo Bacani, është akuzuar nga Molly Octaviano, se e ka mashtruar për 2,178 PHP, që i bie diku te $45.
Në një ankesë të plotësuar prej saj te ‘National Bureau of Investigation (NBI) Cybercrime Division’, ajo deklaroi se Bacani i kishte ofruar 8,775 Valorant Points për një çmim të lirë dhe se e kishte injoruar pasi ajo kishte dhënë paratë.
Bacani më parë ka luajtur për ekipe të CS:GO në Filipine si: ‘Bren Esports’ ose ‘Fallen5’.
Sipas ankesës, Bacani kishte folur me Octaviano në Facebook dhe i kishte ofruar shitjen e Valorant Points me çmim të lirë. Pasi Bacani mori pagesën, ai çaktivizoi adresën e tij të rreme dhe u zhduk. Sipas Octaviano Bacani ka mashtruar mbi 29 përdorues deri më tani dhe ka fituar afërisht $2,000 prej kësaj.