CS:GO arriti më shumë se 760,000 lojtarë
CS:GO arriti më shumë se 760,000 lojtarë
Edhe pse Counter-Strike: Global Offensive është lançuar në 2012, ky sezon festash që lamë pas ishte një prej muajve më të mirë të lojës që prej 2017. Në dhjetor, numri i lojtarëve të CS:GO u rrit, duke arritur deri në 767,060 lojtarë. Kjo është shifra më e lartë që prej janarit të 2017, kur CS:GO arriti një kulm prej 814,616 lojtarësh.
Arsyeja e kësaj rritje është deri diku e paqartë, pasi nuk pati asnjë event kryesor në CS:GO dhe as një operacion i ri, metoda të cilat kanë rritur gjithmonë numrin e lojtarëve në lojë, siç ndodhi me Shattered Web në nëntor.
Në 2017, një prej arsyeve të rritjes ishte ardhja e ELEAGUE Major në Atlanta nga 22-29 janari. Ky event kishte disa prej ekipeve më të mëdha të CS:GO, si fituesit e Astralis, Virtus.Pro dhe SK Gaming. Ky major ishte fitorja e parë për ekipin danez.
Gjatë të njëjtës kohë vitin e kaluar, Valve ndryshoi shumë CS:GO për të kompensuar për numrin e lojtarëve. Në atë kohë, CS:GO pati një rënie në numrin e lojtarëve, duke arritur shifrën më të ulët ndonjëherë me 420,261 në korrik. CS:GO u bë falas, gjë e cila e rriti shumë numrin e lojtarëve, por njëherësh solli dhe shumë cheaters, të cilët kanë qënë gjithmonë problem në lojë. Valve gjithashtu solli një mode battle royale, i cili ka marrë update konstante në lojë.
CS:GO, si pak lojëra të tjera, ka provuar edhe një herë se mund t’i rezistojë pa problem kohës.