Lego-t dhe videlojërat janë shumë të ndërthurura, me shumë seri si Star Wars dhe Minecraft, por edhe të tjera si Fallout, Portal dhe Dark Souls që janë rikrijuar nëpërmjet blloqeve. Tani, një fans i Lego-ve mesa duket ka marrë përsipër të kthejë Counter-Strike në një projekt me kuba.
I quajtur Mexicandemon2, ai ka krijuar një pjesë të Dust 2 me setin e tij Lego dhe e ka postuar në Reddit. Lojtari ka rikrijuar pjesën e Bombsite A në hartë, e cila është mjaft e njohur për të gjithë lojtarët e CS:GO. Edhe pse duket pak e çuditshme si ide, në fakt ajo funksionon mjaft mirë dhe ndërtimi është mjaft i saktë.
Ndërtimi Lego ka mjaft detaje dhe ka brenda saj edhe një terrorist, një counter-terrorist dhe një bombë në vendin e duhur. Krijuesi gjithashtu ka shtuar edhe kutitë në vendet e duhura në site. Ngjyrat janë mjaft të përafërta dhe përshtaten mjaft mirë me Dust 2 real.
Më poshtë mund ta shihni projektin: