Counter-Strike është 20 vjeç këtë vit, sado e vështirë mund të jetë për tu besuar. Mod-i i Half-Life u lançua në 1999, përpara se të blihej nga Valve, që më tej lançoi versionin 1.0 në 2000. Për të festuar përvjetorin, tani mund të luani versionin e vjetër të hartës klasike Dust 2 në CS:GO.
Një hartë e përmirësuar e Dust 2 u lançua në 2017, por tani Valve ka publikuar një version më retro që mund ta kontrolloni në grupin e hartave Casual Dust 2. Është një hartë shumë e njohur, e vjetër sa vetë Counter-Strike, ndaj është një mënyre e përkryer për ta festuar rastin.
Është në fakt aq e njohur, sa shpesh e gjen edhe në lojëra të tjera, me fansa që e rikrijojnë në çdo lojë, që nga Fortnite e deri në Far Cry. Edhe nëse nuk e keni luajtur në CS:GO ose në Counter-Strike-un origjinal, gjasat janë që në një pikë të eksperiencës tuaj si gamer, e keni hasur.
Harta retro është e disponueshme që tani. Shkoni dhe kënaquni.