Perspektiva dhe grafikat janë ndryshe, por çdo gjë tjetër është identike
Perspektiva dhe grafikat janë ndryshe, por çdo gjë tjetër është identike
Counter-Strike e nisi jetën si një mod për serinë Half-Life të Valve. Nëse historia do të ishte ndryshe, Counter-Strike mund të kishte lindur si një eksperiencë izometrike third-person.
Këtë herë, nuk kemi nevojë për një makinë kohe. Mark Mocherad, i njohur për shumë lojëra custom në Dota 2 si Pure Reflex, ka arritur të sjellë eksperiencën e Counter-Strike brenda në engine-in e Dota 2.
Përveç ndryshimit të perspektivës dhe grafikave low-poly, Polystrike ruan hartat dhe ndërfaqen e përdoruesit të CS:GO në mënyrë perfekte. Lojtarët blejnë armë dhe pajisje të tjera nga një menu identike si ajo e Valve, ndërkohë që çdo pjesë tjetër e HUD është shumë e ngjashme me atë të CS:GO.
Ky mod lejon përdorimin e perspektivës izometrike që përdoret në Dota 2, por edhe top-down nëse preferoni që loja të jetë më e saktë.
Polystrike ka tre harta ikonë të Counter-Strike: de_dust2, fy_pool_day dhe cs_office. Edhe pse duket fantastike, loja është ende në closed beta, prandaj ka disa bugs.
Nëse jeni mërzitur duke parë streams të Valorant për të marrë një kod aksesi ose thjesht jeni lodhur nga lojërat FPS, Polystrike duket një opsion fantastik për të kaluar kohën.