Ky bug mund të krijojë shumë probleme në ndeshje kompetitive
Ky bug mund të krijojë shumë probleme në ndeshje kompetitive
Të kesh një spawn të mirë në CS:GO është mjaft e rëndësishme në një raund. Nëse bë nspawn afër B-Site në Dust 2, ti ke mundësi të bësh rush dhe të fitosh një raund fare lehtë. Megjithatë, çfarë ndodh nëse një spawn është aq i keq sa ti shfaqesh në vendin e gabuar? Kjo gjë ndodhi në një lojë normale në Dust 2.
Një përdorues në Reddit postoi një video, ku ai po luan normalisht në fund të një raundi si T. Ekipi i CT ka një lojtar më pak, por kur ai rikthehet përpara nisjes së raundit të ardhshëm, ai shfaqet në spawn-in e CT në Dust 2. Kjo bën që ai të vritet fare lehtë, por shkaktoi shumë konfuzion te lojtarët.
Edhe pse lojtari po luante në një server privat, lojtarë të tjerë thonë se e kanë hasur këtë bug edhe në matchmaking normal, si dhe në servera kompetitivë si ESEA ose FACEIT.
Ky bug ndodh kur një lojtar futet në lojë dhe zgjedh ekipin e tij gjatë fazës së rinisjes së raundit. Loja bën një bug dhe e shfaq atë gabimisht sikur të ishte në ekipin tjetër. Nuk dihet nëse ky bug ndodh edhe në harta të tjera përveç Dust 2, por padyshim është shumë problematik.
Ky madje nuk është një bug i ri, pasi ka qënë në lojë që kur ajo u lançua në 2012. Çuditërisht, Valve edhe pse me shumë mundësi e di ekzistencën e tij, nuk ka marrë asnjë masë për ta rregulluar.