Crysis Remastered vjen me një datë lançimi dhe grafika të përmirësuara

Një traileri i ri i Crysis Remastered është publikuar online, duke na treguar pak më shumë se si është përmirësuar loja nga ana vizuale.

Traileri i ri, të cilin mund ta shikoni më poshtë, tregon disa nga përmirësimet e lojës, në krahasim me origjinalen, si tekstura të cilësisë së lartë deri në 8K, ray tracing etj.

Përkrah trailerit është konfirmuar edhe se Crysis Remastered do të lançohet në 18 shtator në PC përmes Epic Games Store, PlayStation 4 dhe Xbox One. Deklarata për shtyp që bënë zhvilluesit nuk përmendi ndonjë lloj ekskluziviteti të plotë për Epic Games, ndaj ka gjasa që loja të vijë në Steam në ndonjë pikë.

Crysis Remastered u planifikua fillimisht për një lançim në korrik në mbarë botën, por loja më tej u vonua në të gjitha platformat, me përjashtimin e Nintendo Switch, pas reagimit të keq që kishte nga trailerat dhe screenshots të bëra leak.

Crysis Remastered do të lançohet në PC, PlayStation 4 dhe Xbox One në datë 18 shtator. Loja është tashmë e disponueshme në Nintendo Switch.