Crucible, MMORPG-ja e Amazon do të mbyllet në Nëntor

Më pak se pesë muaj pas lançimit të parë, loja falas e Amazon, Crucible po ndërpritet. Serverët do të mbyllen në Nëntor dhe zhvilluesi i tyre, Relentless Studios kaloi në projekte të tjera të Amazon Games

“Ne e vlerësojmë shumë mënyrën se si fansat tanë iu përgjigjën përpjekjeve tona dhe ne kemi dashur të shohim përgjigjet tuaja ndaj ndryshimeve që kemi bërë gjatë muajve të fundit,” shkroi ekipi në një update të lajmeve në Steam. “Por në fund të fundit ne nuk pamë një të ardhme të shëndetshme dhe të qëndrueshme pas Crucible.”

Loja multiplayer mezi kishte filluar para se të hasnin probleme. Pasi filloi një ‘pre-season’ në Maj, loja u reduktua në një mode dhe sezoni i parë u vonua në Qershor. Pastaj, në Korrik, ajo u rikthye nga public në closed beta, në mënyrë që të merrte një përmirësim dhe rishikim të gjërave, dhe të vlerësonte përparësitë. Ekipi ka përditësuar gradualisht veçoritë që nga ajo kohë, për një hartë të re, por sipas këtij postimi, të dhënat që ata kanë mbledhur e bënë të qartë që Crucible do të ishte shumë problem për t’u menaxhuar.

Të gjitha blerjet në lojë janë çaktivizuar dhe gjithçka që keni blerë mund të rimbursohet nga faqja e suportit të Crucible. Serverat do të fiken zyrtarisht më 9 Nëntor.