Crossplay, armë e re, Weapon Mastery dhe ndryshime në Sanhok shoqërojnë patch 4.3 të PUBG.
Crossplay, armë e re, Weapon Mastery dhe ndryshime në Sanhok shoqërojnë patch 4.3 të PUBG.
Momenti për të gjithë lojtarët e PUBG në konsola ka ardhur. Në update 4.3 të PUBG do të vijë më në fund crossplay për Xbox One dhe PS4. Ky update mund të testohet që tani në PTS për të dyja konsolat dhe crossplay do të jetë aktiv në datë 1 tetor për të gjithë serverat.
Baza e lojtarëve të PUBG në konsola ka qenë gjithmonë e shkëputur, sepse edhe PS4 edhe Xbox One kanë një numër të madh përdoruesish në to. Kjo ka sjellë kohë të gjata pritjeje për disa mode të caktuara dhe në rastin e FPP mungesën e lobby-ve.
Kjo epokë e re e PUBG do të sjellë edhe veçori të tjera në Update 4.3. Në jetëgjatësinë që ka patur loja në konsola span assault rifles kanë qenë gjithmonë armët më të përzgjedhura. Në sezonin e fundit pastaj kjo gjë ndryshoi pak dhe armët sub-machine u bënë një zgjedhje më efektive.
Duket se PUBG do ta balancojë lojën edhe më tej. Shotguns mund të mos jenë armët më të përdorura, por kjo mund të ndryshojë së shpejti pasi range, damage dhe pump action speed anë rritur në të gjitha ato.
Krahas kësaj, një armë e re do të vijë në lojën battle royale: double-barrel shotgun ose DBS. Kjo e fundit mund të shkaktojë dëme masive në një periudhë shumë të vogël kohore, duke e bërë atë tepër efektive. Fillimisht ajo do të jetë e disponueshme vetëm në care packages.
Krahas këtyre një sistem i ri progresi i quajtur Survival Mastery do të prezantohet. Ai do të jetë i ngjashëm me sistemin e mëparshëm, Weapon Mastery, por i bazuar në elementë si looting, damage që merr dhe revives.
Elementi më i dallueshëm pastaj është shtimi i timeline. Loja tani do të regjistrojë statistika të ndryshme që ju të mund të shikoni aksionin tuaj gjatë një ndeshjeje dhe ta krahasoni atë me të tjerët.
Pas update-ve të vazhdueshme me Erangel që pësonte ndryshime, këtë rradhë do të jetë Sanhok ajo që do ta marrë vëmendjen. Se si do të reagojë komuniteti i lojës ndaj kësaj nuk e dimë. Padyshim që Erangel është harta më e preferuar për lojtarët, por ndoshta ka ardhur koha për një ndryshim.