Cross-play i PS4 ka dalë nga beta

Në vitet e ardhshme, disa lojëra të esports mund të ndikohen nga kjo.

Pas më shumë se një viti mbrapa kohe në krahasim me platformat e tjera, Sony më në fund e ka hequr cross-play nga beta dhe e ka bërë të disponueshme për të gjitha studiot dhe lojërat e tyre.

Lojtarët e Xbox One, PC dhe edhe të Nintendo Switch do të kenë eksperieca me më shumë miq në platformat e tyre që do i gjejnë në lojëra si Call of Duty: Modern Warfare, Rainbow Six Siege, PUBG etj. Sado që është akoma e paqartë nëse kjo do të jetë e vështirë për tu implementuar në lojëra të tjera, ky tipar është tashmë një opsion për zhvilluesit dhe më shumë mundësi do të shihet i zbatuar masivisht në gjeneratën e ardhshme të konsolave.

Lojëra si Fortnite dhe Rocket League ishin dy nga influencat më të mëdha në të kuptuarit në komunitetin e gaming se ishte vetëm PlayStation ai që nuk po lëshonte dorën me cross-play. Epic Games madje shkoi aq larg sa për pak desh e aktivizoi vetë si tipar në lojë për një periudhë të shkurtër kohore. Kjo e përqëndroi edhe më shumë vëmendjen në problemin që po hasej.

Sado që disa lojëra si ato të përmendura më sipër mund ta realizonin cross-play, për të tjerat nuk është aq e thjeshtë.

Ndonjëherë një lojë nuk është ndërtuar dhe strukturuar që të funksionojë me cross-play. Mund të ketë probleme dhe limitime me netcode ose sistemin e saj të brendshëm përshembull dhe normalisht që në të tillë rast nuk mund thjesht të kalojë direkt në platforma të shumëfishta. Një lojë duhet të jetë e ndërtuar specifikisht për cross-play që në fillim dhe tani që barrierat janë ngritur, do të jetë shumë më e thjeshtë për lojërat e reja që do të vijnë.

Overwatch është një shembull i mirë për një lojë që ka shumë resurse pas saj, por prej arsyeve të sipërpërmendura, Blizzard ka thënë disa herë që cross-play mes PC dhe konsolave nuk do të funksionojë. Asnjë version i Overwatch, përfshirë versionin e ri që do të vijë në Switch nuk do të ketë kapacitetin e cross-play, sepse Blizzard do që ta mbajë bazën e lojtarëve të niveluar për platformat.

Pra vetëm se barrierat ndaj cross-play janë ngritur, nuk do të thotë që duhet të presim ta shohim në çdo lojë. Është e gjitha në dorën e zhvilluesit.