Cross-platform do të vijë në PUBG për lojtarët e konsolave në tetor

Hendeku mes lojtarëve të konsolave është duke u mbyllur dhe PUBG po sigurohet që kjo të ndodhë. Battle Royale është duke sjellë audiencat e PlayStation 4 dhe Xbox One së bashku më vonë këtë vit, duke prezantuar cross-platform me ardhjen e sezonit të katërt.

Sistemi cross-platform që është kërkuar kaq shumë nuk do të jetë i disponueshëm për serverat live deri në fillimin e tetorit, por fansat e lojës do të kenë mundësi ta testojnë si veçori në Public Test Server të PUBG nga fundi i shtatorit.

Pasi sistemi i cross-platform të jetë live, çdo ndeshje do të ketë 100 lojtarë nga serverat e Xbox One dhe PlayStation 4. Me kombinimin e këtyre bashkësive të lojtarëve, rradhët e pritjes do të reduktohen masivisht dhe lojtarët do të futen më shpejtë në lojë.

Me fillimin e Sezonit të 4, lojtarët e konsolave do të marrin më shpejtë kontentin e ri të lojës. Serverat e PC prapë do i marrin update-et më shpejtë, por për lojtarët në PS4 dhe Xbox One update-et do të vijnë maksimumi dy javë më vonë.

Sezoni i 4 i PUBG do të vijë live në konsola në 27 gusht. Krahas cross-platform play, ky sezon do të sjellë një hartë të përmirësuar në erangel dhe një battle pass të ri të quajtur Survivor Pass.