Dje u shënua 20-vjetori i lançimit të Counter-Strike. Mbreti i competitive shooters filloi si një mod i Half-Life i zhvilluar nga Minh Lee dhe Jess Cliffe, që filluan të qarkullonin betan e saj në qershor të 1999. Krijuesit e saj sollën versione të tjera përgjatë pjesës së mbetur të vitit. Në 2000 kjo IP ra në duart e Valve. Counter-Strike në vetëvete pastaj u lançua zyrtarisht në 9 nëntor të vitit 2000.
Kjo është deklarata për shtyp që Doug Lombardi nga Valve dha për kohën: “Që në lançimin fillestar të betas në vjeshtën e 1999, Counter-Strike është bërë loja më e luajtur aksion online, duke kaluar të gjitha lojërat komerçiale dhe jo komerçiale në kategorinë e saj. Counter-Strike 1.0 do të lançohet më vonë gjatë mbrëmjes së sotme për të gjithë lojtarët ekzistues të CS dhe Half-Life. CS 1.0 përmban armë të reja, rregullime në gameplay dhe modele të përmirësuara hartash dhe animimesh.”
Counter-Strike erdhi si një lojë shumë e formuar. Në lançim ajo ishte për dy ekipe me nga pesë lojtarë që ose çaktivizonin një bombë, ose shpëtonin pengje ose duhet të kryenin vrasje. Nëse hapni Counter-Strike: Global Offensive sot thelbi i lojës ka mbetur i njejtë.
Kjo është vetëm gjysma e historisë në fakt, pasi loja që filloi si një mod, filloi të tërhiqte komunitetin e saj të modding. Përgjatë viteve ata krijuan harta dhe mode që u bënë kyçe më tej për vetë lojën.
Nëse ka diçka që lojtarët e Counter-Strike pëlqejnë është të ankohen për CS dhe komunitetin e lojës. Kjo zakonisht bëhet e gjitha me një sens humori, por është shumë e përhapur si gjë dhe është bërë pak a shumë si pjesë e lojës tani.
Diçka që nuk mund të mohojmë është se loja ka mbetur në qendër të vëmendjes për dy dekada dhe ka arritur të krijojë një audiencë dhe komunitet masiv. Ndaj urime 20-vjetorin kësaj loje spektakolare.