Dy lojërat më perfekte që mund të vinin për periudhën e Halloween-it.
Dy lojërat më perfekte që mund të vinin për periudhën e Halloween-it.
Lojërat falas që Epic Games ka sjellë këtë rradhë janë në sinkronizim perfekt me tematikën e Halloween-it, por në krahasim me njëra-tjetrën ato nuk mund të ishin më ndryshe. Costume Quest dhe SOMA janë të dyja falas tani në Epic Store, njëra për t’ju tmerruar dhe tjetra për t’ju ngushëlluar më pas.
Costume Quest është një Double Fine RPG e vendosur në ditën e Halloween-it. Loja përball fëmijët e veshur me kostume kundër përbindëshave në një mjedis turn-based. Kostumet gjithashtu mund të transformohen dhe të marrin trajta gjigande të idesë që duan të portretizojnë. Një fëmijë me një kostum kartoni të një roboti përshembull, në një pikë kthehet në një robot gjigand.
Gjithsesi, gjërat janë pak më të komplikuara në SOMA. Loja është një horror survival e vendosur në një bazë nënujore, ku do të përndiqeni nga përbindësha groteskë dhe mekanikë. Këto krijesa do të jenë shkas i shumë jump scares, por në thelb SOMA është një lojë horrori psikologjike, rreth eksplorimit të mjedisit misterioz që ju rrethon.
Të dyja lojërat do të jenë falas deri në 7 nëntor, ku më tej do të zëvendësohen nga Nuclear Throne dhe Ruiner.