CORSAIR ka blerë kompaninë e controllers SCUF Gaming

Tregu i aksesorëve gaming po nxehet për 2020

CORSAIR ka blerë SCUF Gaming për një shumë që nuk është bërë publike, siç zbuloi kompania. Ky transaksion do të finalizohet brenda 30 ditëve, sipas CORSAIR.

CORSAIR, e themeluar në janar të 1994, është një kompani hardware amerikane, e cila i ka zyrat qëndrore në Fremont, Kaliforni. “Lideri botëror i gaming peripherals me performancë të lartë dhe komponentëve për entuziastë” gjithashtu bleu Elgato në 2018.

“Jemi shumë entuziastë për të zgjeruar katalogun tonë të peripherals dhe të hymë në hapsirën e gaming controllers për të ndihmuar gamers për të luajtur në mënyrën më të mirë,” – tha Andy Paul, CEO dhe themelues i CORSAIR. “SCUF është lider në treg për controllers me performancë të lartë dhe janë një përbërës kryesor për suksesin e shumë profesionistëve në esports. SCUF do të jetë një shtesë perfekte fituese në linjën e gjërë të produkteve CORSAIR dhe Elgato.”

SCUF ka qënë një prej prodhuesëve kryesore të controllers që prej themelimit të kompanisë në 2011. Controllers nga SCUF përdoren nga shumë profesionistë të lojërave në konsola si Call of Duty.

“Jemi shumë të lumtur që po bashkohemi me CORSAIR, të cilët ndajnë të njëjtën ADN si SCUF për sa i përket inovacionit dhe dizajnit në tregun e gaming,” – tha Duncan Ironmonger, CEO dhe themelues i SCUF. “CORSAIR ka shkallën operacionale dhe rrjetin që na duhet për t’i sjellë inovacionin tonë edhe më shumë gamers.”

SCUF do të vazhdojë të operojë nga zyrat e tyre në Atlanta dhe do të mbetet një brand i veçantë nën emrin e CORSAIR.

Me blerjen e SCUF nga CORSAIR, duket se kompania po përpiqet të krijojë një destinacion të vetëm për gamers për të blerë linjën më të mirë të peripherals në treg, e sidomos për përdoruesit e PC.

CORSAIR ka momentalisht një linjë mjaft impresionuese mouse, keyboards dhe hardware për PC. Kur përfshin këtu edhe produktet Elgato dhe SCUF, krijon një superfuqi.

Gamers tani do të kenë një vend për të blerë hardware për PC, pajisje streaming dhe controllers kompetitivë nën një emër.