Controller-i i PlayStation 5 ka filluar të bëhet meme

Interneti ka filluar të bëjë atë që bën më mirë

Interneti është i shpejtë. Sapo Sony zbuloi controller-in e ri DualSense për PlayStation 5, ai u kthye menjëherë në një meme. Controller-i i ri me dy nuanca ngjyrash dhe plot veçori të reja u zbulua ditën e djeshme në mënyrë surprizë dhe u deshën vetëm pak minuta që njerëzit të fillonin ta vlerësonin, por edhe ta shanin.

Controller-i DualShock ka ndryshuar fare pak gjatë viteve, prandaj zhvilluesit e Sony meritojnë përgëzime për një ndryshim dizajni kaq drastik për PlayStation 5. Ndërkohë që disa po e pëlqejnë pamjen e re, të tjerë i janë drejtuar rrjeteve sociale për t’u tallur me të dhe madje për ta krahasuar me controller-in e PlayStation 5.

Ndërkohë, përveç memeve që tregojnë se sa i ngjashëm është DualSense me controller-in e Xbox, mendimet në përgjithësi janë mjaft të përziera. Megjithatë, inspirimi për meme nuk mbaron këtu, pasi lojtarët gjithashtu kanë filluar ta krahasojnë controller-in e PS5 me objekte të tjera të ngjashme

Në fund, meme më e bukur lidhet me controller-in që nuk erdhi kurrë. Sony ka kërkuar më parë ndihmë për dizenjimin e controllers, pas dështimit që ishte dizajni i controller-it në formë bumerangu për PlayStation 3. Nëse nuk e dini, ky ishte controller-i i parë i zbuluar për PlayStation 3, por ai u zhduk dhe u zëvendësua nga controller-i që njohim tani. Kritikat që DualSense ka marrë as nuk i afrohen bumerangut, prandaj vështirë që Sony ta ndryshojë dizajnin e controller-it të fundit.