Real-time-strategy është një nga zhanrat më të respektuara dhe njëkohësisht më pak të rrahura në PC. Duket deri diku si diçka që vetëm gamer-at më të përkushtuar mund t’ja ndjekin ritmin dhe mund të vijë si intimiduese në fillim, pasi duhen me orë të tëra për ti mësuar tamam taktikat e duhura të saj.
Gjithsesi gjërat janë pak ndryshe në Conan Unconquered, loja e parë RTS e vendosur në universin e Conan Exiles dhe Age of Conan. Miksimi i elementeve të lojës me mitet e Conan, krijon një lojë streategjike për veteranët e RTS, por edhe për ata që janë magjepsur më parë nga kompleksiteti i zhanrës.
Të paktë janë zhvilluesit me kuptim më të mirë të real-time-strategy se Petroglyph. Studioja është e përbërë nga një pjesë e stafit të mëparëshëm të Westwood, që punonte në lojërat origjinale të Command & Conquer. Revolucioni i zhanrës së RTS dhe risjellja e mekanikave të vjetra të RTS është ajo çfarë ata bëjnë për gjeneratën moderne.
Conan Unconquered është një lojë rreth mbrojtjes besnike dhe eksplorimit të rrezikshëm. Ju do të ndërtoni një fortesë në tokat tuaja dhe duhet ta mbroni atë nga valë të ndryshme monstruozitetesh të sjella për ju nga magjistari Thugra Khotan. Duke mbledhur resurse nga fermat dhe minierat, do të ndërtoni mbrojtjen tuaj dhe do të derdhni gjakun e banditëve dhe lloje të ndryshme bishash që përpiqen t’ju prishin punë.
Ju keni kontroll mbi heronjtë e universit të Conan si Valeria, Kalanthes dhe sigurisht vetë Conan. Çdo hero është në gjendje të përballojë kundërsulmimet që do të bëni në luftra të ndryshme dhe secili prej tyre ka një aftësi të veçantë, që fitohet teksa rriten nivelet.
Krahas menaxhimit të heronjve dhe ushtrisë, gjithashtu do ju duhet të keni akses në një pemë masive që ju jep ndërtesa të reja dhe ju lejon të ndërtoni njësi të fuqishme si Avatar of Mira.
Mund gjithashtu të luani me një shok onine në co-op. Duke luajtur në këtë mënyre do ju duhet të komunikoni dhe të koordinoheni me shoun e skuadrës, duke u përballur me një armiq më të vështirë se çdo të përballeshit normalisht në solo.
Nëse nuk jeni shumë të dhënë pas bashkëpunimit dhe punës në skuadër pastaj, mnd të zgjidhni të konkuroni kundër lojtarëve të tjerë. Nëse plotësoni një hartë, mund ti dërgoni lojtarëve të tjerë një Challenge Link, për ti sfiduar që të mundin pikët tuaja në atë hartë.
Conan Unconquered përdor shumë taktika nga zhanrat e reja dhe të vjetra për ta bërë më të aksesueshme se loja tipike RTS që jeni mësuar të luani. Gjithsesi kjo nuk e bën këtë një lojë të lehtë. Gjithmonë duhet të jeni të kujdesshëm se si i menaxhoni gjërat në këtë lojë. Armiqtë mund të përdorin çdo gjë kundra jush, edhe vetë pakujdesitë tuaja.
E gjitha kjo na sjell në përfundimin se loja është një projekt me intensitet mjaft të lartë në zhanrën e RTS. Nëse jeni të gatshëm ta merrni përsipër si sfidë, Conan Unconquered është i disponueshëm për tu blerë në Steam.