Free-to-play Call of Duty: Warzone mendohet të vijë në mars

Sado që battle royale për Call of Duty: Modern Warfare ende nuk është njoftuar, dataminers zëre se e kanë konfirmuar. Tani është e gjitha çështje kohe. Ky mode mendohet të quhet Call of Duty: Warzone dhe gjithashtu do të jetë e disponueshme individualisht, pra për tu shkarkuar free-to-play. Një tjetër raportim i ardhur së fundmi, sugjeron se këto thashetheme janë të vërteta.

Call of Duty: Warzone momentalisht është programuar për tu lançuar në “fillim të marsit”. Sado që disa spekulime të hershme thonin që Warzone mund të lançohej që këtë javë, raportimi në fjalë sugjeron se lançimi është minimalisht dis javë larg.

Warzone është realisht opsioni Custom i menusë që kanë hasur lojtarët e Modern Warfare. Raportimi thotë se loja do të qëndrojë më vete si një free-to-play. Përpara një jave, analisti Daniel Ahmad, tha se mode do të vinte së shpejti.

Duket se Activision po shpreson që një segment loje free-to-play e Modern Warfare do i sjellë më shumë zgjerim komunitetit të lojës. Blackout e Black Ops 4 ishte një këndvështrim i shkëlqyer për zhanrën. Le të shpresojmë që e njejta gjë do të ndodhë edhe me Modern Warfare.