Në luftën e vazhdueshme kundër cheaters dhe hackers, Infinity Ward ka publikuar një deklaratë duke ju kërkuar lojtarëve të Warzone që të mos përdorin software të paautorizuar kur luajnë Call of Duty: Modern Warfare dhe Warzone. Një set i ri me bans është duke ardhur, sipas zhvilluesit dhe kushdo që kapet do e hajë një.
Deklarata u publikua në Twitter, duke nxjerrë në dukje katër pika teksa Infinity Ward punon për të mbajtur lojërat FPS pa hile. E para është e thjeshtë: hilet nuk do të tolerohen dhe më shumë bans janë duke ardhur. E dyta është një kërkesë që të mos përdoren third-party add-ons që manipulojnë lojërat multiplayer.
Pika e tretë shpjegon se çfarë Infinity Ward konsideron si software ilegal third-party, përfshirë aimbots, wallhacks, texture hacks etj. Së fundmi pika e katërt kërkon shmangien e guidave ose shërbimeve që alternojnë camo ose loadout. Çdo gjë që modifikon PC ose konsolën për të marrë paisje të reja që smund të aksesonit më parë, gjithashtu do të rezultojë në një ban.
Hacking ka qenë një problem i vazhdueshëm për serinë multiplayer të lojërave. Duke marrë parasysh këtë, reagimi këtu nuk është plotësisht pozitiv, lojtarët në Twitter dhe Reddit janë treguar pak cinikë në kapacitetin që do të ketë Infinity Ward për ti zbatuar këto rregulla.