Lojtarët e CoD: Modern Warfare janë çuditur kur u vranë nga një kufomë

Call of Duty: Modern Warfare i prezanton fansat e Ground War, një mode që sjell një battleground masiv me taktika evolutive. Sado që disa lojtarë të Modern Warfare preferojnë ta luajnë aksionin në tokë, disa shkojnë në tarracë për pak më shumë sniping.

Automjetet, objektivat dhe faktorë të tjerë i detyrojnë lojtarët të përgatisin paraprakisht strategjitë e tyre, por siç e vërtetoi edhe një lojtar së fundmi, është e pamundur të jesh i përgatitur për të gjitha.

Përdoruesi i Reddit Im_Ain provoi se si ishte të vriteshe në lojë nga një kufomë. Shikoni videon më poshtë për të parë se çfarë ndodhi:

Duke mos i besuar syve, lojtari u ngjit sërish në të njejtën çati. Pasi eleminoni një lojtar u kthye dhe sërish pa një kufomë që përpiqej ta eleminonte. Këtë rradhë ai ja doli ti plaste një breshëri plumbash.

Një problem grafik padyshim, por që solli një klip mjaft argëtues për komunitetin e Call of Duty. Ky nuk është as cheat, as exploit, por thjesht një bug që i bën modelet të mos sillen në mënyrë korrekte. Activision me shumë mundësi do e rregullojë këtë së shpejti.