Është konfirmuar edhe crossplay për të gjitha platformat
Është konfirmuar edhe crossplay për të gjitha platformat
Fansat e Call of Duty mund të rrinë në paqe tashmë, pasi Call of Duty: Modern Warfare do të ketë servera të dedikuar dhe do ta mbështesë crossplay-in që në lançim. Infinity Ward dhe Activision kanë konfirmuar se krahas crossplay-it në PC, PS4 dhe Xbox One që do të vijë që në publikim, Modern Warfare gjithashtu do të ketë servera të dedikuar që të sigurojnë stabilitetin e lojës që nga fillimi e deri në fund të saj.
Serverat e dedikuar nuk janë ndonjë gjë e re për Call of Duty, por me prezantimin e crossplay-it në Modern Warfare, ato bëhen edhe më thelbësorë për të siguruar mbarëvajtien e një performance të mirë. Destabiliteti i serverave në lojërate kompetitive online ka qenë një problem i vazhdueshëm në botën e gaming, ndaj është një gjë e mirë të mësojmë se zhvilluesit AAA janë duke e parandaluar problemin.
Sigurisht që njoftimi për këta servera të dedikuar nuk është një garanci e plotë që Call of Duty: Modern Warfare do të lançohet pa patur asnjë lloj problemi ne servera, por padyshim që është një hap para në drejtimin e duhur nga ana e zhvilluesve.
Përsa i përket crossplay-it mendohet të funksionojë në mënyrë të ngjashme me Fortnite, ku matchmaking është input-based. Pra lojtarët që përdorin controllera do të vihen me lojtarë që përdorin controllera, mouse & tastier me mouse & tastierë e kështu me rradhë.
Për lojtarët e PC që duan të luajnë me miqtë e tyre në konsola përshembull, Infinity Ward ka menduar një zgjidhje, në të cilën skuadra me lojtarë të miksuar të platformave do të përballen me skuadra të tjera si ato.