Call of Duty: Modern Warfare do ti kushtojë shumë rëndësi campaign-it të single-player. Infinity Ward ka punësuar edhe dy nga ish zhvilluesit e Naughty Dog, Taylor Kurosaki dhe Jacob Minkoff, të njohur për punën e tyre në Uncharted dhe The Last of US. Këta janë tashmë përgjegjës për historinë në Call of Duty: Modern Warfare.
Në një intervistë të kryer së fundmi, ata shpjeguan më shumë mbi narrativën e lojës dhe se sa impakt do të ketë ajo mbi lojtarët.
Kurosavi: “Çfarë do të thotë Modern Warfare në 2019? Do të thotë që fusha e betejës do të jetë më e ngatërruar se kurrë. Do të thotë që armiqtë nuk do të veshin uniforma, do të thotë që rastësitë në viktima do të jenë një pjesë e rëndësishme e ekuacionit. Do ju duhet të bëni vendime jetë a vdekje në moment të fundit.”
Minkoff: “Nëse do të tregojmë një histori mbi personazhe që shtyhen nga limitet e tyre, që ndjehen keq moralisht dhe që nuk janë rehat me këtë pjesë, do të duhet ta bëjmë lojtarin që ti ndjejë të gjitha këto gjëra edhe në gameplay. Do ju bëjmë të vini në dyshim moralet tuaja si lojtar.”
Kjo është edhe arsyeja pse Infinity Ward ka marrë opinione nga ushtarë realë, që të mund ti portretizojë më mirë personazhet. Nuk mund të themi ende nëse do të arrijnë ti plotësojnë këto pritshmëri, por më shumë do të zbulohet pasi loja të lançohet në 25 tetor.