CoD: Mobile shton Satelite map në Season 4

Activision ka bërë tease një hartë të re që vjen në Call of Duty: Mobile në sezonin e katërt. Bazuar në imazhin e postuar mbrëmë, duket se harta Satelite nga Black Ops Cold War po kalon rrugën drejt pajisjeve mobile.

Satelite u përfshi në CoD: Mobile public test build muajin e kaluar përpara sezonit të tretë. Activision lëshon herë pas here public test build për të testuar veçoritë e ardhshme të lojës. Lojtarët më në fund do të luajnë hartën kur të publikohet në sezonin e katërt.

Satelite është i ndryshëm nga hartat e tjera MP në CoD: Mobile. Ajo do të bëhet një nga hartat më të mëdha në lançimin e saj në lojë. Ajo që me të vërtetë e veçon atë, megjithatë, është se lojtarët mund të drejtojnë automjete në hartë – gjë që mund të bëhet vetëm në ndeshjet e Battle Royale deri më tani.

Në public test build, kishte tre automjete në hartë: SUV, biçikleta dhe tanke. SUV-të kanë një mitraloz të vendosur sipër dhe mund të përdoren për të rrëzuar armiqtë.

Për më tepër, harta është e hapur nga tre anët dhe lojtarët mund të enden në shkretëtirë. Megjithatë, nëse shkoni shumë larg, do të shfaqet një paralajmërim prej tre sekondash që ju thotë të ktheheni në zonën e lojës. Ndërsa harta është vërtet e hapur në skajet e saj, ka një grumbull shkëmbinjsh në mes, të cilët ofrojnë cover dhe gunfight nga një distancë e afërt.

CoD: Mobile ka konfirmuar në teaser-in e tij se harta do të shfaqet kur të fillojë sezoni i katërt. Një datë e saktë e lançimit për sezonin e ardhshëm nuk është zbuluar ende, por ai duhet të fillojë në fund të prillit ose në fillim të majit. Më shumë detaje duhet të zbulohen në javët në vijim.