Call Of Duty: Guerrilla Warfare mendohet të vijë këtë vit nga Sledgehammer Games

Është e sigurtë që 2021 do të sjellë lançimin e një loje të re të Call of Duty, që do të marrë vendin e Black Ops Cold War.

Më parë kemi dëgjuar se Sledgehammer Games, studioja pas Advanced Warfare dhe WWII do ketë përsipër zhvillimin e lojës së re, teksa Infinity Ward dhe Treyarch vazhdojnë me projektet e tyre, përfshirë këtu battle royale-in Warzone.

Një leak i ri nga Tom Henderson ka zbuluar disa informacione për titullin e lojës së ardhshme të CoD dhe sfondin ku ajo do të mbahet. Henderson thotë se Call of Duty 2021 do të quhet Guerilla Warfare ose Apes VS. Soldiers. Emri i parë është më i mundur, sado që do të ishte vërtetë gallatë të ishte emri i dytë.

Ndërkohë, TheGamingRevolution, një tjetër burim i brendshëm mjaft i njohur i industrisë, postoi diçka misterioze poshtë tweet-it të Henderson, që i ka bërë fansat të mendojnë se loja do të zhvillohet në vitet 1950.

Call of Duty 2021 me shumë gjasa do të mbahet në vitet 50 dhe do të ketë guerilla warfare. Kjo gjë nënkupton se historia e lojës do të fokusohet në Luftën Koreane. Mbetet të presim dhe të shohim.