Sezoni i dytë i CoD: Black Ops Cold War fillon në 25 shkurt

Activison ka zbuluar se Call of Duty: Black Ops – Cold War dhe Warzone Season 2 do të vijë në datë 25 shkurt. Kur të fillojë sezoni i ri mund të prisni shumë content të ri për të dyja Black Ops – Cold War dhe Warzone, përfshirë mode të reja, armë dhe progression goals.

Fillimisht harta e re e Verdansk do të ketë vende të reja për të parë. Në këto vende mund të kërkoni për paisje, por Activision ju këshillon të jeni të kujdesshëm: “Diçka e madhe po fillon të ndodhë nëntokë,” lexon blog-u.

Warzone do të marrë dy mode të reja për Season 2. Exfiltration, që do të lançohet gjatë sezonit dhe do të prezantojë mekanika në rregullat battle royale të Warzone. Në Exfiltration, lojtarët do të garojnë për të siguruar një portable radio. Nëse ekipi juaj mund ta gjejë dhe ta mbajë për një periudhë të konsiderueshme kohore, ju fitoni lojën. Por kushdo që e mban do të shënohet në hartat e të gjithë lojtarëve si Most Wanted Contract HVT.

Gjatë javës së lançimit, do të shohim ardhjen e Rebirth Island Resurgence Extreme, që rrit numrin e lojtarëve në mode deri në 90. Detyrimisht vendi do të bëhet më i dendur, ndaj tregohuni të kujdesshëm.

Black Ops – Cold War do të marrë gjithashtu veçori dhe aktivitete të reja për Season 2, që do të zgjerojnë Zombies mode, do të shtojnë armë dhe operatorë dhe do të shtojnë disa variacione të reja në multiplayer modes.

Përgjatë sezonit, prisni të shikoni katër operatorë të rinj në dispozicionin tuaj, si edhe gjashtë armë të reja. Këto përfshijnë FARA 83 assault rifle, LC10 SMG (tier 31), Machete special, E-Tool melee weapon, R1 Shadowhunter crossbow dhe ZRG 20mm bolt-action sniper rifle.

Do të keni Zombies në eksperiencën e re të Outbreak, që do të vijnë në javën e lançimit të Season 2. Kjo e çon historinë e Dark Aether në Ural Mountains, duke e kthyer Zombies mode në një hartë me shkallë më të madhe.

Për detajet e plota të prurjeve të reja të Season 2, mund të lexoni postimin në blogun e Call of Duty.