Tani që të gjithë duhet të qëndrojnë në shtëpi për periudha të zgjatura kohe, çdo shërbim që ju lejon të lidheni me miqtë tuaj ka parë një rritje dramatike të përdoruesve. Snap camera e Snap Inc është një aplikacion që ju lejon të përdorni filtrat Snapchat në thirrjet tuaja me video dhe stream-et në Twitch, i cili ka parë një rritje prej 10x në shkarkime. Extensions të tilla si Netflix Party që ju lejojnë të shihni Netflix me miqtë tuaj kanë fituar gjithashtu shumë vëmendje. Tani, Instagram ka lançuar atë që e quan një veçori ‘co-watching’ që ju lejon të shihni përmbajtjen në Instagram me miqtë tuaj.
Për të bashkë-shikuar diçka me miqtë tuaj, thjesht filloni një bisedë me video, siç do të bëni rregullisht me një mik dhe një grup miqsh. Pastaj mund të shfletoni nëpër platformë përmes shtypjes së lehtë të një butoni. Ideja që qëndron pas ‘co-watching’ është që ju lejon juve dhe miqtë tuaj të qëndroni së bashku në platformë. Është një nga shumë masa të miratuara nga kompanitë e mediave sociale për të ndihmuar përdoruesit të lidhen në një kohë kur distancimi social inkurajohet.
Sapo epidemia të përfundojë, co-watching ka shumë të ngjarë të qëndrojë. Është një veçori mjaft e dobishme për kur dikush nuk dëshiron të shikojë një ekran vetëm, dhe ne mund të presim që funksioni të fillojë së shpejti drejt produkteve të tjera në Facebook. Facebook madje ishte duke e testuar këtë veçori në një moment, dhe kjo shumë mirë mund të ishte rezultat i këtij eksperimenti gati tre vjeçar.
Meqë po flasim gjithnjë e më shumë për lidhjen me miqtë tuaj gjatë kësaj periudhe izolimi, sigurohuni të përfitoni nga ofertat e një prej partnerëve tanë, Telekom Albania të cilët gjatë kësaj periudhe ofrojnë internet bonus në mënyrë që të qëndroni në kontakt me të dashurit tuaj. Klikoni në këtë link për të mësuar më shumë mbi ofertat e tyre si dhe përfitimet që keni.