Microsoft nuk është ende gati të na e tregojë çmimin e Xbox Series X, por premton se konsola do të vijë bashkë me një çmim, që njerëzit do të jenë në gjendje ta përballojnë. Sipas Jason Ronald nga Xbox, Microsoft e dinte se donte një konsolë shumë të fuqishme. Duke parë parametrat e tij do të jetë konsola më e fortë në botë kur të lançohet më vonë gjatë këtij viti. Gjithsesi ndonjëherë duket sikur Microsoft duhet ta përmbante ambicien, që të sigurohej, që të mos sillte një konsol të shtrenjtë të papërballueshme ekonomikisht.
“Si një gamer gjatë gjithë jetës time dhe si një zhvillues lojërash, ne gjithmonë do të duam shumë e më shumë,” tha Ronald duke folur për çmimin e konsolës. “Në të njejtën kohë e dimë se duhet të sjellim një produkt me çmim të përballueshëm për njerëzit në mbarë botën.”
Ronald nuk jep një shpjegim se çfarë do të thotë me të gjithë këtë, por duket sikur Microsoft do të jetë ai që reagon dhe jo ai që e ndërmerr nismën. Me fjalë të tjera duket sikur do të dijë çmimin e PS5 në rradhë të parë, përpara se të përcaktojë atë të Xbox Series X. Kjo ide vjen nga një spekulim i fundit i bërë nga analisti Michael Pachter, që së fundmi sugjeroi se konsola do të kushtonte $400.
“Mendoj se thjesht duan që Sony të dorëzohet i pari dhe pas kësaj të zbulojnë datën dhe çmimin e lançimit. Do të jetë diku nga fundi i 2020s, me shumë gjasa në nëntor, me shumë gjasa $400. Dhe fansat do të përfitojnë shumë nga ato $400.”
Të dyja dhe Xbox Series X pritet të lançohen nga fundi i këtij viti. Problemi është që deri më tani asnjë nga kompanitë nuk ka dhënë ndonjë detaj shtesë.