Çmimi i Xbox Series X mund të jetë bërë leak. Këtë javë Microsoft konfirmoi se konsola e ardhshme e linjës së Xbox, do të lançohet në nëntor. Në fjalë të tjera ose në 6 nëntor ose në 20 nëntor ose në 13 nëntor, pasi është e sigurtë që do të jetë ditë e premte. Në këtë pikë kemi periudhën kohore më të përafërt për lançimin e konsolës, por ende asnjë çmim për të.
Leak-u në fjalë, vjen nga një promocion i Halo Infinite me Monster Energy Drink. Promocioni nuk fillon deri në datë 1 shtator, por detajet për të janë zbuluar. Si pjesë e këtij promocioni Monster Energy do të japë 200 çmime, që konsistojnë në një kopje të Halo Infinite dhe një konsolë Xbox Series X.
Sipas Monster, totali i prize pool-it për këto çmime është $119,998. Kjo do të thotë që përmes një veprimi të thjeshtë matematikor, çdo çmim vlen $599.99. Kompania këmbëngul se çmimi i Xbox Series X nuk është zbuluar dhe ju kërkon fansave që të mos bazohen shumë në këtë logjikë, por ata po bëjnë ekzaktësisht të kundërtën.
Mbetet të presim dhe të shohim.