Google Stadia dhe Xbox Streaming mund të vijnë në iOS por ka një problem
Google Stadia dhe Xbox Streaming mund të vijnë në iOS por ka një problem
Kohët e fundit Apple nuk ka patur shumë bashkëpunime në fushën e gaming sidomos pas konfliktit me Epic. Por gjithashtu Apple ka hasur probleme me Google dhe Microsoft të cilët kanë deklaruar se App Store guidelines e ka bërë të pamundur ardhjen e shërbimeve të tyre Cloud Gaming, Stadia dhe Xbox Game Pass Ultimate në pajisjet iOS.
Mesa duket kohët e fundit Apple po përpiqet ta zgjidh ketë gjë duke ndryshuar App Store guidelines përpara lançimit të iOS 14 duke bërë të ditur që shërbimet Cloud Gaming janë të lejuara në të gjitha pajisjet iOS. Por a do të thotë kjo që më në fund do të mundemi të luajmë lojën tonë të preferuar në shërbimet Cloud Gaming? Fatkeqësisht, jo.
Të gjitha lojërat të cilat do të ofrohen nëpërmjet shërbimeve si Google Stadia ose Xbox Game Pass Ultimate duhet të jenë të listuara gjithashtu edhe në App Store. Pra me pak fjalë, Microsoft dhe Google nuk do të munden të nxjerrin shërbimin Cloud Gaming në App Store vetëm një aplikacion por do t’iu duhet që secilën prej lojërave ta nxjerrin individualisht në App Store. Kjo është pothuajse e pamundur pasi shumë lojëra nuk do të mund të luhen në pajisjet iOS. Gjithashtu do t’iu duhet ta blini lojën që doni të luani direkt nëpërmjet sistemit të pagesave të Apple. Mesa duket do të na duhet të presim akoma për shërbimin Cloud Gaming në pajisjet iOS.