Riot do të nisë closed beta të Valorant në 7 prill

Ju do të keni mundësi të futeni duke ndjekur streams në Twitch

Riot Games njoftoi sot se closed beta e Valorant do të nisë në 7 prill për lojtarët në SHBA, Europë, Kanada, Rusi dhe Turqi. Ka ende mundësi që beta të vijë edhe në vende të tjera, në varësi të situatës së pandemisë së coronavirus.

Sipas Riot, plani ishte që closed beta e Valorant të vinte tek sa më shumë lojtarë sa më shpejt të ishte e mundur, por pandemia e COVID-19 duket se i ka prishur këto plane. Për këtë arsye, ata do të fokusohen vetëm në vendet ku ata ndihen gati për momentin, ndërkohë që rajone të tjera mund të vijnë më vonë.

Riot do të bashkëpunojë me Twitch për t’i ofruar akses në closed beta të Valorant shikuesëve. Nëse shikoni streams të zgedhur në Twitch, do të keni mundësi të merrni akses në beta-n e lojës.

Progresi që ju do të bëni në beta-n e Valorant nuk do të kalojë në lançimin zyrtar të lojës, duke i dhënë mundësi të gjithë lojtarëve të nisin menjëherë në të njëjtën kohë.

Loja taktike FPS është e para e këtij lloji për Riot, por duke parë suksesin e League of Legends, Teamfight Tactics dhe Legends of Runeterra, pritshmëritë janë të larta edhe për Valorant.

Ende nuk dihet se kur Valorant do të lançohet, por pritet të jetë këtë verë.