Sfidat e fshehura në Fortnite mund të jenë një pjesë e vogël e lojës, por janë mëse të mirëpritura nga lojtarët. Mbi të gjitha për faktin që marrin mjaftueshëm xp për t’i plotësuar ato.
Fortnite Season 4 prezantoi shumë gjëra të reja, por gjithashtu shtoi edhe dy sfida sekrete. Ato ofrojnë 10,000 xp secila. Nëse doni t’i plotësoni por nuk keni kohën dhe energjinë për tu investuar në to, thjesht shikoni guidën tonë më poshtë:
CLEANSE TANKS
Sfida e parë ndodhet në Slurpy Swamp dhe është shumë e thjeshtë për tu bërë.
- Shkoni në Slurpy Swamp
- Pasi të jeni aty drejtohuni te ndërtesa kryesore dhe kërkoni për dy depozita të mëdha
- Do të vëreni që ju mungon kapaku, kjo është e qëllimshme
- Zhytuni brenda dhe praktikisht keni mbaruar punë
ESCAPE
Fatmirësisht edhe sfida e dytë është në Slurpy Swamp. Gjithsesi, është pak më me kleçkë se e para.
- Drejtohuni në anën veriore të ndërtesës kryesore. Është e njejta si në sfidën më sipër.
- Më pas kërkoni për një mur me një vrimë të mirëpozicionuar
- Gnome që ju kërkoni do të jetë i fshehur brenda
- Për ta nxjerrë atë jashtë thjesht duhet të ecni drejt tij. Nëse afroheni mjaftueshëm atë do e zërë paniku dhe do të qesh në distancë
Kaq janë pak a shumë. Nëse i plotësoni të dyta do të merrni 20,000 xp. Shumë lojtarë kanë tendencën t’i plotësojnë këto sfida pa qenë në vetëditje. Gjithsesi, nëse ju nuk jeni një prej tyre, tani dini si t’i bëni vetë.