Zhvilluesi Paradox Interactive njoftoi se do të lançonte një seri lojërash tavoline, të bazuara në disa prej lojërave të tyre më të mëdha dhe më të pëlqyera, në PDXCon vitin e shkuar. Cities: Skylines së shpejti do të jetë një lojë tavoline.
Kjo do të jetë një lojë co-operative e bazuar në lojën e PC, ku lojtarët do duhet të punojnë së bashku dhe jo kundër njëri-tjetrit për të ndërtuar qytetin.
Nuk ka ende shumë informacion mbi gurët që do të luhen, por duke gjykuar nga fotoja nuk duket sikur do të kemi të bëjmë me materialet e lojërave si Monopoly ose diçka e ngjashme. Në fakt duket sikur do të përdorni kombinime të copëzave për të arritur në rezultatin final.
Numri i lojtarëve që mund ta luajnë do të jetë një deri në katër dhe kohëzgjatja është 40 deri në 70 minuta. Data që pritet të vijë është 25 tetori, por kjo edhe mund të ndryshojë me kalimin e kohës. Gjithsesi do ju mbajmë të njoftuar.