Kalimi kontradiktor i Ninja nga Twitch në platformën e streaming të Microsoft, Mixer, ka shkaktuar disa lëvizje në listën e më të mirëve dhe më të parëve të Twitch-it.
Për ata që nuk e dinë, account-i i Ninja-s është më i ndjekuri në Twitch. Duke pasur këtë parasysh, ndryshimi i platformave është padyshim një lëvizje e madhe për Ninja, e cila gjithsesi bën sens në fund të ditës duke patur parasysh faktin se u pagua $50 milionë nga Microsoft.
Në datë 1 gusht Ninja njoftoi se do të hiqte dorë nga Twitch, duke mbyllur kështu një partnership tetë vjeçar, për të kaluar në Mixer.
Si rezultat i transferimit të 28 vjeçarit ka patur një devijim të ndjeshëm edhe të fansave të tij në këtë platformë, duke e bërë Twitch ta përdorë atë kanal si një faqje kryesore për të gjetur streamers të tjerë.
Ninja ka patur rreth 14 milion followers dhe sigurisht që me largimin e tij, këta duhet të shpërndaheshin gjëkundi. Stream-i i fundit që Ninja bëri në Twitch, që përblidhte ngjarjet e Fortnite World Cup ishte në 29 korrik. Kjo është lista e streamer-ave që kanë fituar më shumë followers, që pas largimit të Ninja.
Nuk ishte e vështirë të hamendësoje që Bugha, kampioni i botës në Fortnite do të ishte i pari në listë, me 274,443 followers të marrë që pas largimit të Ninja. Ky fenomen ka ndodhur për të në të gjitha format e medias sociale.
Corinna Kopf pastaj është e vetmja femër që ja doli të hynte të listë, ndërkohë që fansat e Tfue vazhdojnë të qëndrojnë besnikë edhe pas gjithë dramës me FaZe Clan, duke e lënë atë në vend të dytë.
Me largimin e Ninja, streamer-at do të hahen dhëmbë për dhëmbë për të marrë titullin e tij. Nëse Bugha do të bëjë stream aq mirë sa luan, atëherë mund të themi se është pretendenti kryesor.