Cyberpunk 2077 ofron performancë më të mirë në konsolet next gen
Cyberpunk 2077 ofron performancë më të mirë në konsolet next gen
Cyberpunk 2077 po mbush afërsisht një javë që prej lançimit të saj dhe shumë fansa të lojës po ankohen për performancën e dobët dhe bugs që loja ka, sidomos në konsolet PlayStation 4 dhe Xbox One. Së fundmi, DF ka publikuar disa testime të kryera në konsolat duke treguar ndryshimet ndërmjet tyre.
Cyberpunk 2077 luhet nëpërmjet Backward Compatibility në të dy konsolat Xbox Series X dhe PlayStation 5. Në PS5, ju keni ngecur me settings e PS4 Pro e cila iu ofron një rezolucion 1188p. Në Xbox Series X ju mund të zgjidhni midis Performance Mode që iu ofron 1080p dhe 60 fps dhe Quality Mode e cila iu ofron një rezolucion prej 1512p ose 1728p në 30fps dhe një përmirësim tepër të madh grafik.
Në aspektin e performancës, PS5 ishte më e qëndrueshme duke arritur të qëndrojë në 60 fps. Kurse në Xbox Series X, Performance Mode iu ofron performancë më të mirë por në raste të rralla mund të shihnim një rënie deri në 40 fps. Në Quality Mode Series X është e aftë të qëndrojë pa probleme në 30 fps.
Për sa i përket Xbox Series S i cili është një konsole më pak e fuqishme se Xbox Series X, kjo konsole ofron 1296p në 30 fps që shpesh arrin 25 fps. Ndërsa për konsola si PS4 dhe Xbox One, Cyberpunk 2077 mezi arrin 15 fps dhe shpesh arrin më pak gjatë pjesëve kur iu duhet të përballeni. Dhe sigurisht të mos përmendim grafikat që Cyberpunk 2077 ka në këto konsola i cili “lë shumë për të dëshiruar”.
CD Projekt Red iu ka premtuar fansave të Cyberpunk 2077 do të rregullohet me update dhe hotfix që do të sjellë së më shpejt të jetë e mundur. Por mesa po shohim kjo do të jetë paksa e vështirë pas gjithë këtyre problemeve që loja ka.