Children of Morta është loja më e re për PC

Familja këtu merr një kuptim tjetër

Children of Morta është një lojë e re në PC e cila ka një fokus të madh në rëndësinë e familjes dhe që do ju kujtojë pak të gjithë filmat e animuar të bëra në vitet ’80. Për të festuar ardhjen e lojës 11 bit Studios ka publikuar një trailer të adhurueshëm.

Traileri si vetë loja, ndan të njejtin stil grafikash. Në fillim e gjitha mund të duket shumë fëmijënore, por pasi traileri thellohet do të kuptoni që nuk është e gjitha aq e lehtë sa ç’duket në pamje të parë. Children of Morta të tërheq shumë nga pjesa e animimit. Nuk është për ata që i duan grafikat sa më realistike, por nëse e vlerësoni një animim të mirë me dorë kjo është loja për ju.

Në të mund të gjeni përbindësha të tmerrshëm që performojnë rituale sakrificash në pyll. Pra me pak fjalë e gjithë loja është më e errët nga ç’duket.

Children of Morta mund ta gjeni në Steam ose në GOG për $21.99.