Cheaters në PUBG Mobile janë bërë ban për dhjetë vite

PUBG Mobile vazhdon të marrë masa ndaj këtij fenomeni

Nëse keni përdorur cheats për të marrë chicken dinner në PUBG Mobile, atëherë kemi disa lajme të këqija për ju. Mbi 3,500 lojtarë janë zgjuar sot me një ban 10 vjeçar për cheating në lojë dhe PUBG Mobile thotë se ende nuk ka mbaruar.

Vala e bans, e cila ka nisur që në maj të 2019, shënjestron lojtarët që përdorin cheats, ndryshojnë të dhënat e lojës dhe përdorin aplikacione virtuale dhe është gjithashtu pjesë e tentativës së kompanisë për të pastruar lojën nga lojtarët që përdorin aplikacione të jashtme për të marrë një avantazh të padrejtë.

Të gjithë e dimë se nuk është aspak argëtuese të luash kundër cheaters dhe duke parë se skena e esports sa vjen dhe rritet, ka ardhur koha që PUBG Mobile ta godasë këtë fenomen. Me këto bane dhjetë vjeçare, PUBG Corp. dhe Tencent po i japin një mesazh shumë të fortë atyre që guxojnë të thyejnë rregullat e lojës.

Në një komunikatë për shtyp, e cila gjithashtu jep detajet e çdo lojtari të bërë ban, PUBG Mobile thotë: “ne gjithmonë kemi tentuar të japim një mjedis gaming i cili është i drejtë dhe i kënaqshëm për çdo lojtar ndërkohë që parandalojmë cheating. E marrim shumë seriozisht këtë problem, prandaj çdo llogari që ka pasur shkelje ka marrë një ban dhjetë vjeçar. Duam t’i kujtojmë të gjithë lojtarët rëndësinë e lojës së drejtë, si dhe t’i falenderojmë që e mbajnë PUBG Mobile të drejtë dhe argëtuese. Nëse dyshoni se një lojtar po bën me hile ose po përdor një program tjetër të paautorizuar për t’i ndihmuar ata gjatë lojës, përdorni sistemin e raportimit në lojë për të na njoftuar. Ne i investigojmë të gjitha këto raportime me detaje dhe do iu lajmërojmë për atë që zbulojmë. Do të vazhdojmë të disiplinojmë lojtarët hileqarë dhe të publikojmë ID e cheaters që janë konfirmuar. Faleminderit që na ndihmoni ta bëjmë PUBG Mobile një lojë më të mirë.”

Fatkeqësisht, ata që janë bërë ban nuk do të kenë mundësi të shijojnë update-in e fundit të PUBG Mobile, që sjell në lojë një bashkëpunim me The Walking Dead.