Një cheater i Warzone shpjegon se sa lehtë mund të bëni hack pa marrë ban

Të bësh hack në Call of Duty Warzone është më e thjeshtë se sa ne e mendonim

Problemi i cheating dhe hacking në Warzone ka qenë tepër i madh që prej lançimit të Warzone dhe ka filluar të përkeqësohet gjithmonë edhe më shumë gjatë Season 1. Së fundmi dikush ka zbuluar se sa e thjeshtë është të bësh hack ose cheat në Call of Duty Warzone.

Gjatë një livestream, streamer i Twitch exzachtt arriti të fliste me një Warzone hacker. Gjatë kësaj bisede ai arriti që të nxirrte shumë informacione në lidhje se pse lojtarët bëjnë cheat ose hack dhe gjithashtu se sa e lehtë është që të bësh cheat.

Arsyeja kryesore pse lojtarët bënin hack ishte sepse sistemi anti-cheat që Activision ka momentalisht nuk është aspak i efektshëm. Hacker në fjalë u shpreh se e vetmja mënyrë që Activision të bëjë diçka në lidhje me cheaters është vetëm nëse një numër i lartë raportimesh vijnë në lidhje me ta.

Edhe pse për shumë prej jush kjo gjë mund të duket e çuditshme, kjo është e vërtetë. Së fundmi është e pamundur që të hysh në një lobby pa u përballur me asnjë formë të cheating. Gjithashtu shumë prej lojtarëve që bëjnë hack ose cheat kanë arritur të hyjnë në skenën kompetitive ose të bëjnë stream.

Gjatë bisedës me hacker, exzachtt e pyet se për sa kohë ai ka berë cheat dhe ai tregoi se e ka bërë ketë gjë për rreth 4 muaj. Gjatë kësaj periudhe ai ka ndërruar rreth 30 llogari. Kjo ndodh pasi Activison thjesht bën “shadowban” llogarinë tuaj dhe pas 7 ose 8 ditësh ju mund të luani përsëri me të.

Kjo bisedë tregon një problem të madh që Activison ka me Warzone duke bërë që kjo lojë të shkatërrohet nga lojtarët të cilët përdorin cheat ose hack. Shpresojmë që Activison të marrë masa të menjëhershme për ta rregulluar ketë problem.