Charge Rifle e Apex Legends do të bëhet nerf së shpejti

Ende nuk dihet se kur ekzaktësisht.

Nëse jeni futur në Apex Legends që nga fillimi i Season 3, atëherë do e dini se Charge Rifle sniper është shumë e mirë. Kur i shtyp këmbëzën, arma qëllon lazer dhe diku te një sekondë më vonë godet. Në total mund të shkaktojë deri në 90 damage.

Shumë lojtarë janë ankuar se se arma është më e fuqishme se ç’duhet dhe Respawn duket të ketë rënë dakord me këtë, pasi një balancim për armën do të vijë në update-in e ardhshëm të lojës.

“Balanca e tanishme e Charge Rifle nuk është aty ku duhet të jetë. Ndryshme do të vijnë së shpejti.”

Kjo deklaratë nuk jep shumë detaje të mëtejshme dhe në fakt po ta lexosh në një mënyrë të caktuar, mund ta marrësh sikur arma do të bëhet edhe më e fuqishme, por duke marrë parasysh reagimet e fansave, e dyshojmë shumë këtë.

Qartazi ky ndryshim nuk do t’i kënaqë të gjithë, pasi disa lojtarë janë të lumtur me gjendjen e tanishme të armës. Plus është edhe gallatë për tu përdorur. Respawn nuk ka dhënë një kohë fikse se kur do ta balancojë armën e bazuar nga Titanfall, por nëse keni qenë fans i Charge Rifle, vazhdoni përdoreni sa jeni ende në kohë.