Aktori i Chandler nga Friends hedh shenja për një rikthim të serialit

Matthew Perry ka postuar një status në Twitter, i cili ka ekzaltuar shumë fansa të sitcom-it legjendar

Në muajt e fundit ka pasur thashetheme mbi FRIENDS dhe mundësisë së një ribashkimi ose një cikli të ri. Në fakt, Nëntorin e kaluar dolën fjalë se ky rikthim mund të vijë nga një film në shërbimin transmetues të HBO, HBO Max.

Tani, Matthew Perry, ose Chandler, i cili është një nga protagonistët e serialit, i ka hedhur benzinë zjarrit përmes llogarisë së tij zyrtare në Twitter. Në veçanti, ai ka shkruajtur se “po vijnë lajme të mëdha”. Sigurisht, ky postim është bërë shumë shpejt viral, pasi tashmë ka tejkaluar 8,000 retweets dhe 80,000 like. Nëse ky lajm ka të bëjë me shfaqjen që kemi parë për herë të parë në 1994 dhe ka një audiencë fanatike edhe sot e kësaj dite, do ta zbulojmë së shpejti.

Shihni postimin më poshtë: