Ky është roli i fundit ku do të shohim Chadwick Boseman pas vdekjes së tij

Ka kaluar mbi një muaj që nga ndarja e papritur nga jeta e Chadwick Boseman, i cili do të jetë gjithmonë në kujtimet e botës si Black Panther i Marvel. Gjithsesi, duket se do të kemi fatin ta shohim edhe në një film tjetër, që ai ka xhiruar para se të vdiste.

Është zbuluar se ai do të aktrojë përkrah Viola Davis në filmin Ma Rainey’s Black Bottom, që më vonë do të transmetohet në Netflix.

Kjo dramë është e bazuar në skenarin e August Wilson dhe tregon karrierën dinamike të një muzikanteje të talentuar të Blues,e vendosur për të bërë një emër për veten e saj në një botë të dominuar nga të bardhët. Ajo shoqërohet nga Levee, që luhet nga Boseman.

Filmi është nën regjinë e George C. Wolf dhe është adaptuar nga Ruben Santiago-Hudson. Shikoni disa nga fotot e Chadwick Boseman në rolin e tij të fundit më poshtë:

Kolegja e tij, Davis, kujton kohën që kaluan së bashku në set dhe shprehet:

“Kur kujtohem, mbaj mend se si gjithmonë dukej i lodhur. Shikoja ekipin e tij të mrekullueshëm teksa kujdesej për të dhe kuptova që ata të gjithë e bënin këtë për t’i dhënë kurajo që të vazhdonte punën e tij.”

Ma Rainey’s Black Bottom pritet të vijë dhjetorin e ardhshëm në Netflix.