Mbajtja Online e WWDC solli prezantimin e iOS 14. Këto ndryshime të sjella nga versioni i ri i software-it të iPhone janë edhe estetike edhe funksionale.
Duke filluar me Home Screen, do të kemi një grupim të ri të App Library, në varësi të kategorive të aplikacioneve që keni në telefon për të limituar faqet e pafundme me aplikacione që zinin ekranin tuaj.
Ndoshta ndryshimi më i madh janë widgets, që tashmë vijnë në një varitet përmasash dhe mund ti bëni pin ku të doni në ekran. Ja vlen të përmendim edhe Smart Stack, një widget që përmban widgets të tjera brenda, në mënyrë që të shikoni informacionin nga ai widget që ju jeni i interesuar, duke patur vetëm një widget në ekran.
Gjithashtu kemi veçorinë picture-in-picture video ku ju do të mund të shikoni një video të cep të ekranit si thumbnail, teksa vazhdoni punën tuaj me aplikacionet e tjera.
Siri gjithashtu është ridizenjuar dhe nuk zë më të gjithë ekranin pasi e aktivizon, por tashmë thjesht shfaqet si një top lëmshi në fund të tij.
Në Messages tashmë kemi Conversations, një mënyrë më e lehtë për të gjetur bisedat që ju po kërkoni. Tashmë ju mund të bëni pin bisedën që doni në majë. Ka edhe më shumë opsione të Memoji, për të gjetur atë që ju përshtatet ju. Në diskutimet në grup mund të bëni reply në një mesazh specifik, të përmendni dikë dhe gjithashtu keni opsionin për tu njoftuar nëse emri juaj përmendet.
Ndryshime janë bërë gjithashtu në Maps. Tashmë do të ketë guida që do të sugjerojnë vende ku mund të hani, uleni ose të eksploroni. Vëmendje gjithashtu i është kushtuar udhëzimeve për çiklistët, duke marrë parasysh këtu rrugët e biçikletave dhe pjerrtësinë e tyre. Janë shtuar edhe udhëzime specifike për makinat elektrike, që tregojnë vendet ku mund të ndaloni për ta karikuar atë.
App Clip gjithashtu do të vijë në App Store. Është një funksion përmes të cilit mund të përdorni aplikacionin që ju nevojitet edhe nëse nuk e keni të instaluar në telefon. Me NFC tags, Safari, skanimin e QR codes etj, ju do të mund të përdorni aplikacionin që ju duhet menjëherë dhe nëse doni mund ta shkarkoni më vonë të telefon përgjithmonë.