Padia mund të shëbejë si precedent për organizatat e esport në mbarë botën
Padia mund të shëbejë si precedent për organizatat e esport në mbarë botën
Lojtari profesionist dhe streamer-i i Fortnite Battle Royale Turner “Tfue” Tenney ka paditur FaZe Clan dhe pretendimet e padisë janë vërtet të mëdha. Avokatët e Tfue pretendojnë se kontrata e tij me FaZe Clan thyen ligjet e Kalifronisë dhe se pika që thotë se kompania merr 80% të fitimeve nga sponsorat e ndryshme është ilegale dhe joetike.
Pasi lajmi për këtë padi u bë publik, pronari i FaZe Ricky Banks deklaroi në Twitter se marrëdhënia e tij me Tfue është prishur, se FaZe e prezantoi atë ndërsa ai fitonte famë në Twitch e se e gjitha kjo po bëhet vetëm për para.
Në varësi të mënyrës se si kjo padi gjykohet, ajo mund të ketë efekte vërtet të mëdha në industrinë e esports, duke i hapur rrugë kontratave më të mira për lojtarët profesionistë dhe streamer-at.
Konflikti midis Tfue dhe FaZe thekson nevojën për komunikim më të mirë midis personaliteteve dhe organizatave për sa i përket anës së biznesit. Streamer-at më të mirë fitojnë miliona dollarë në vit, por ata rrallë herë kanë kohë për t’u marrë me ofertat e shumta të sponsorizimit dhe bashkëpunimit, që janë ato që sjellin fitimet më të mëdha për ta. Prandaj shumë prej tyre bashkëpunojnë me organizata esports. Megjithatë, ofertat e këtyre organizatave janë shpesh herë jo të kënaqshme. Ninja dhe shroud janë dy shëmbuj popullorë nga Twitch të dy streamer-ave që fillimisht kanë qënë pjesë e organizatave (Luminosity Gaming dhe Cloud9) përpara se të ndaheshin dhe të krijonin brand-in e tyre.
Megjithatë, në anën tjetër kemi dhe Juan “Hungrybox” DeBiedma të Team Liquid i cili thotë se marrëdhënie të forta dhe me fitime për të dyja palët mund të ekzistojnë midis streamer-ave dhe organizatave.
Since it’s relevant - I’m very lucky to have had someone like @LiQuiD112 who was always open and willing to discuss options and fair terms in my contracts with full transparency.
— hungrybox (@LiquidHbox) May 20, 2019
Teams and players should benefit from each other equally, but Liquid has always gone the extra mile. https://t.co/WsUr2WxEdZ
Tani që Tfue duket se po ndjek të njëjtën rrugë si Ninja dhe shroud, personazhet e mëdhenj të botës së esports mund të ndihen më pak të prirur për të lidhur kontrata pavarësisht parave të fituara nga to. Streamer-at, ndër të tjera, janë disa nga njerëzit me më influencë në botën e esports dhe është e qartë që ata kanë filluar t’a kuptojnë atë e të marrin kontrollin e situatës financiare të tyre.