Kësaj here përveç produkteve të zakonshme, Razer sjell shumë produkte të reja
Kësaj here përveç produkteve të zakonshme, Razer sjell shumë produkte të reja
Si gjithmonë Razer ka sjellë në industrinë e gaming një larmishmëri të madhe produktesh për çdo gamer. Por kësaj here Razer ka vendosur të sjellë diçka ndryshe për të gjithë klientët e tij. Gjatë RazerCon 2020, Razer solli për fansat e vet gameplay ekskluziv nga lojëra të ndryshme si Torchlight III, Gears Tactics dhe MechWarrior 5. Gjithashtu Razer shfaqi edhe gameplay të ndryshëm nga lojëra si Crysis Remastered dhe Resident Evil Village.
Por ajo cfarë tërhoqi më shumë vëmendje gjatë RazerCon 2020 ishin produktet e reja që Razer solli. Disa nga këto produkte ishin Razer Iskur Gaming Chair për të cilën mund të themi që tërhoqi vëmendjen e shumicës pasi është hera e parë që Razer sjell në treg gaming chair.
Produkti tjetër ishte mikrofoni Razer Seiren Mini i cili vjen me një kualitet të lartë që mund ta përdorni si kur luani me shokët tuaj por edhe gjatë videokonferencave të ndryshme. Ky mikrofon pavarësisht cilësisë së lartë që ka vjen me një çmim shumë të arsyeshëm.
Produkte të tjera që u prezantuan gjatë RazerCon 2020 janë:
Razer Tomahawk Gaming Case
Për herë kjo case debutoi gjatë CES 2020 dhe vjen në dy madhësi dhe secila me një panel xhami të temperuar dhe me vend të veçantë për menaxhimin e cables. Këto case kanë hapësirë të mjaftueshme për të vendosur çdo lloj hardware që keni në plan. Razer Tomahawk ATX pranon çdo motherboard dhe shumë hardware të ndryshëm kurse Razer Tomahaëk Mini-ITX ofron shumë mundësi duke zënë një hapësirë të vogël. Logo e Razer dhe ndriçimi Chroma RGB nuk do të mungojnë në këto case.
Razer Blade Stealth 13 Gaming Laptop
Dhe si gjithmonë një event i Razer nuk do të kishte kuptim pa u prezantuar një gaming laptop i ri. Kësaj here Razer Blade Stealth 13 do të përfshijë procesorin e ri Intel i7-1165G7 që mund t arrijë deri në 4.7ghz dhe Nvidia GTX 1650TI. Dhe gjithashtu kësaj here Razer ka përfshirë në ketë gaming laptop THX Spatial Audio. Razer Blade Stealth 13 do të vijë në dy versione ku versioni i parë ofron një ekran Full HD 120Hz 13 inch dhe versioni i dytë ofron një ekran Full HD OLED dhe Gorilla Glass.
Razer Kraken BT Kitty Edition
Edhe pse Razer Kraken mund të ketë kohë që është lançuar, përsëri këto headsets janë ndër më të preferuarat e fansave. Kësaj here Razer ka vendosur që t’i sjellë prapë në treg duke iu dhënë një pamje të re. Razer Kraken BT Kitty Edition do të kenë “veshë maceje”, diçka që mund ta kuptoni direkt nga emri. Këto headsets do të kenë ngjyrë rozë dhe do të vijnë me Bluetooth 5.0 dhe jetëgjatësia e baterisë do të jetë afërsisht 50 orë.