Rockstar Games kanë sjellë një tjetër update në GTA Online dhe lojtarët që do të futen në lojë, do të vërejnë një sërë gjërash të reja në të.
Fillimisht një makinë plotësisht e re është shtuar në rewards-at e GTA Online Casino dhe mund të fitohet vetëm me një rrotullim të Lucky Wheel, sigurisht nëse jeni me fat. Bëhet fjalë për Ubermacht SC1, me vlerë $1.6 milionë në lojë.
Teksa modeli i ri mund të ketë vlerë prej mbi një milionë dollarësh në lojë, nëse do e blini nga dyqani online në telefonin tuaj iFruit, pa merak pasi ekziston edhe probabiliteti që ta merrni falas.
Mes datave 4 deri në 11 qershor pastaj, Rockstar Games do të sjellë souble RP rewards në heist. Gjithsesi çmimi që merrni pasi ta keni plotësuar, fatkeqësisht do të mbetet njëlloj.
Gara premium për këtë javë do të jetë Congestion Charge dhe time trial do të jetë Calafia Way. Përtej tyre do të ketë edhe një sërë uljesh për disa gjëra të ndryshme në GTA Online. Si në listën më poshtë:
- Arcades & Facilities (50% ulje)
- Mobile Operation Centers (40% ulje)
- Caracara 4×4 (40% ulje)
- Swinger (40% ulje)
- Ardent (40% ulje)
- Rogue (40% ulje)
Ata që kanë adresat e Rockstar Club të lidhura me Twitch Prime sërish do të kenë avantazh mbi lojtarët e tjerë, pasi nuk do të duhet të shpenzojnë aq shumë sa të tjerët në makina, armë ose apartamente.