Spider-Man e Insomniac në PS4 do të drejtohet për në PS5 së shpejti, si një Remaster që do të përfshihet me Ultimate Edition të Spider-Man: Miles Morales. Gjithsesi, Insomniac është siguruar që ky version të sjellë diçka më shumë se përmirësimet vizuale.
Drejtori i Komunitetit te Insomniac, James Stevenson, u hap për mënyrat se si do të përfitojë nga hardware-i i avancuar i PS5. Si një lojë e PS5, remasteri do të përdorë SSD e saj për të eleminuar loading screens. Kjo është mëse normale, pasi Spider-Man ishte loja që u përdor për ta demonstruar këtë veçori të re të PS5 para ca kohësh.
Spider Man Remastered gjithashtu do të suportojë Spatial 3D Audio dhe haptic feedbac dhe adaptive triggers të DualSense controller. Gjithsesi, Stevenson nuk u shpreh se si do e bënte ekzaktësisht loja këtë gjë.
Të gjitha këto veçori do të bashkohen nga avancimet grafike që do të ofrojë PS5 për lojën. Mjediset do të kenë ray-traced reflections, ambient shadows dhe një sistem të update-uar të motit. Ndryshimi më i madh do të jetë se si Spider-Man Remastered ka bërë fytyrën e Peter Parker, pasi loja ka zëvendësuar John Bubniak me Ben Jordan.
Gjithsesi jo të gjitha lajmet kanë qenë të mira. Insomniac ka konfirmuar se Spider-Man Remastered nuk do të qëndrojë si lojë më vete dhe se ajo nuk do të suportojë cross-saves me versionin e PS4 të Spider-Man, një lëvizje që i ka lënë fansat e pakënaqur.
Spider-Man Remastered do të vijë në 12 nëntor për PS5, në paketën e Spider-Man: Miles Morales Ultimate Edition.