Rockstar po implikon një update të ri të RDR2 me referenca të fshehura në epilogun e lojës
Rockstar po implikon një update të ri të RDR2 me referenca të fshehura në epilogun e lojës
Red Dead Redemption 2 është ende duke shijuar suksesin masiv që i ka ardhur pas lançimit të lojës dhe Red Dead Online mode. Gjithsesi që të mbajë fansat e interesuar, Rockstar Games duhet të mbajë ritmin që ka nisur dhe të vazhdojë të publikojë pëmbajtjte të re për lojën.
Në rastet e GTA V dhe GTA Online kompania e ka arritur këtë përmes update-ve javore dhe shtesave të vazhdueshme në aspektet e projektit Online.
Red Dead 2 mund të jetë pak më ndryshe. Spekulimet kanë nisur vërdallë se Rockstar mund të bëjë një rikrijim të origjinalit Red Dead Redemption, bazuar edhe në suksesin masiv që pati seria pasardhëse.
Falë zërit të një prej aktorëve të shfaqur në Red Dead Redemption dhe në epilogun e RDR2 si edhe hartës origjinale që shfaqet në dosjet e Red Dead Redemption 2, disa prej lojtarëve janë të bindur se do të shohim lojën origjinale të manifestohet në një lloj mënyre në të ardhmen.
Nëse kjo do të vijë në formën e një DLC-je single-player që do të shërbejë si ura lidhëse mes hapësirës së formuar mes RDR dhe RDR 2 ose si një lojë që do të qëndrojë tërësisht më vete ende nuk e dimë. Gjithsesi duhet ta pranojmë se po shfaqen disa të dhëna të pamohueshme që Rockstar mund të jetë në përpunim të lojës origjinale.
Në Red Dead Redemption ju luani si John Marston, një personazh i cili lidhet shumë me epilogun e Red Dead Redemption 2. Një burim thotë se Rockstar ka regjistruar zërin për një version të rritur të të birit të personazhit John Marston, Jack Martson. Diçka kjo që nuk do të bëhej nëse nuk do ishin të interesuar ta ndiqnin deri në fund rrjedhën e historisë.
Gjithsesi spekulimet mbeten spekulime. Do të na duhet të presim deri në një farë pike për të konfirmuar dyshimet tona, por duhet ta pranojmë që diçka e mirë po vjen për fansat e Red Dead Redemption.